Selamat Datang Calon Pt/DK Periode I ( Penangkuhen) 2014-2019 Session I : “ Pendilo, Dahin Ras Tanggungjabap Pt/DK GBKP “ I babai : Pdt.R.Ginting Ketua Klasis GBKP Jakarta Banten

I. Kata Penaruh : Engkai maka lit si erdahin Tuhan Pt/Dk i bas GBKP ? Erkiteken buah pertoton perpulungen ( Matius 9:38) Dibata tetap emperdiateken keperlun ngawan perpulungenNa, kula ras tendina.

II. Erti Makna Pendilo Pt/DK GBKP Kata ‘Pendilo’ ( panggilan , ibrani Qara) , ertina : Dibata ndilo sada bangsa/kalak guna ndahiken sada tujun khusus si enggo i rencanakanNa. Kalak si ngaloken pendilo e i gelari ‘ Pilihen’ (ibrani Bakhar), ertina :Dibata si bertindak milih si erdahina, karya Dibata. ( Johanea 15:16) Cara Dibata milih si erdahinNa i bas GBKP alu melibatken kerina ngawan perpulungennta: Perpulungen eme tan Dibata , Pt/Dk buah pertoton perpulungen

Tujun Dibata milih Pt/Dk ipilih i bas erbage-bage latar belakang : kuta, pendidiken, pendahin ras keluargana . Bandingken murid-murid Yesus ( matius 10:1-) : -Simon Zelot pro Yahudi anti Roma -Matius pemungut cukai pro Roma -Petrus, Andreas, Jakobus ras Johanes : nelayan -Petrus ersenina ras Andreas, bagepe Jakobus ras Johanes

Gelah ersada ras Dibata ( Johanes 17:20-23) Gelah ersada kerina seryana Tuhan bagepe ersada ras perpulungen Team work/Sada aron ( bandingken Markus 6:7, I korintus 3:9)

III. Dahin Ras Tanggungjabab Pt/Dk: Tuhan mperlengkapi serayanNa Musa ( Keluaren 3:7-10; Keluaran 4:1-17) - Lit penolakan Musa - Dibata mereken tanda-tanda - Dibata mereken serpang pulah Yesaya ( Yesaya 6:1-9) - Lit sada pengenehenen - I besihken Dibata - I utus Dibata - I pebetehken Dibata kai si arus idahikena Yeremia ( Yeremia 1:4-19) - Tuhan petetap ukur Yeremia - Tuhan mereken perkatanNa ras KuasaNa - Lit pengenehenen - Lit pergegeh ras pengutusen

Dahin serayan Tuhan Meritaken berita si meriah man kalak musil, mulai kalak si tertaban, mpemedak kalak si pentang ras mbebasken kalak si tertindas ( Lukas 4:18-19) Mpelawes setan, mpepalem erbage-bage pinakit ras meritaken kata Dibata ( Matius 10:1-4) Dahin serayan Tuhan eme keselamatan kegeluhen manusia secara utuh ( holistik) aspek kerohanian ras kesehaten daging kula

Tugas Pt/Dk tata gereja GBKP Bab II pasal 12 Pertua : Mimpin perpulungen ( kepemimpinan) Usihen, mbimbing ras ndorong ngawan perpulungen guna ersada, ersaksi ras ngelai ( Tri tugas gereja) Perkunjungen rumah tangga ( PRT) Ngelakoken pelayanen kebaktian –kebaktian, katekisasi ras pengepkepen Diaken : - Ngelai ngawan perpulungen i bas situasi perbeben nggeluh sakit, cacat, anak melumang, lansia, penjara, kemiskinan , bencana alam, kepaten, pelanggaran HAM, korban kekerasan rsd - Peningkatan mutu kegeluhen ngawan ni perpulungen : ekonomi, pendidikan, kesehatan, kesadaran hukum , advokasi hukum rsd

Litna pembagian Tugas Pt/Dk labo guna encidahken si ganjang teruken, tapi lebih ku bas fokus pelayanen erkiteken perdalinen reh mehulina ras reh majuna.( Kisah Para rasul 6:1-7). Dahin ras tanggungjawab Pt/Dk : nehken berita simeriah , ngajari, mbebasken, mpermakani bage pe mbelas ras nampati si lemah. ( cara ras pendekatenna berbeda)

Erti ras Makna Jabatan Pt/Dk: Umum : Jabatan : Profesi, pemerintahen, pangkat si berdasr ku bas kemampuan ras prestasi Gereja : Jabatan : gelar si ipake man kalak si enggo ipilih ras iangkat guna melayani i bas perpulungen erpalasken ku bas anugrah Dibata Kerina kalak si tek situhuna ngaloken pendilo guna ngelai ( Imamat Am : I Petrus 2:9). Si mbedakennca Pt/DK ras perpulungen eme fungsi ras dahinna i tengah-tengah gereja Tugas utama pejabat gereja ( Pdt, Pt/Dk) , eme ngelai, mpegegehi ras mperlengkapi ngawan ni perpulungen guna majekken kula ni Kristus ( Epesus 4:12)

Yesus sebage model ibas pelayanen Pt/DK ( Johanes 13:1-20 ): Melayani sebagai hamba ( juak-juak) : meteruk rukur. Pang ngataken ras ngelakoken kata tuhu Kai pe si ilakokenNa erpalasken gelar Tuhan ras guna Tuhan ( Kolose 3 :23)

Pergumulen sebagai serayan Tuhan: I bas pembagin waktu : perlu siangkan ras dukungen i bas jabu . I bas profesi/pendahin : Terjadi pertentangen La teraloken perpulungen : Lit penulaken i bas kita erban simehuli/program kerja

Penutup/ Kesimpulen : Dibata si enggo milih kita jadi serayanNa emaka iperlengkapiNa kita i bas ndahiken dahin e, janah kita arus ngeresponsa alu positif ras aktif. Dahin e arus si pertanggungjababken man si mereken dahin ku kita. Pembagin Tugas i bas dahin pelayanen ilitken gelah kerina kita banci muat bagin ras fokus ku bas pelayanenta. Tuhannta eme Yesus Kristus , kerina kita seri la lit si ganjang teruken. Tantangen i bas pelayanen tetap lit , ula kita mbiar ras aru atenta. Gegehta terbatas tapi Tuhan enggo erpadan maka Ia nampati , nemani dingen engkawai kita seh ku kedungen jaman ( Matius 28:20).